No principio
Para comezar a nosa andaina, que mellor que viaxar ao pasado, ao principio. Como tentaban os nosos antepasados explicar os fenómenos da natureza, o paso do tempo, a morte, o sobrenatural ...? O alumnado descubriu que a resposta era simbólica, que empregaban imaxes representativas.
A observación dos movementos dos corpos celestes, e a súa influencia nos ciclos da natureza, relacionáronse con determinadas épocas do ano. Para tentar explicar o paso do tempo desde a súa mentalidade precientífica identificaron esas fases con personaxes míticos ou as situacións que eles protagonizaban.
O paso das constelacións en períodos cíclicos quedou plasmado en lendas (signos do zodíaco) que propiciaban a aprendizaxe e o coñecemento daqueles elementos que condicionaban gran parte da súa vida cotiá: o sol, os ciclos da lúa, as estrelas...
